ORATIO PRO PECCATIS

Min drihten leof for þinre þære micelan mild heortnysse. 7 for ealra þinra haligra lufan 7 ge ear nunc ga. Ge miltsa me syn fullum. Swa swa þin mæpa willa si. 7 min mod ta þinum willan gesowan ga. 7 ge scaðola. 7 min drihten ne læt me næfre færlicum deaðe of þiffum earman life gewitan. Ac loce hwenne min tima beo. 7 þin wulla si. Þaet ic þis læne lif for lætan sceole. Læt me mid ge difnysse mine dagas ge eridian. Eac ic bidde þe min drihten leof for þines sylfes godnisse. Þaet þu me of þissere worulde ne læte. Aer ic þurh þine micelan mild heortnysse forgyfennys se haebbe. Ealles þaes þe ic æfre ongean þinne mæran willan ge worhte. Daeges oððe nihtæs. Ge weal des oððe unge wealder. On wored oðð on wearce. Oððe on minum þys trum geþance. Heofona heah cyning alles middan eardes on lysend. Ge miltsa earminge. Swa swa þu wille. 7 þurh þæt Þaet ðu wille. 7 syle me minra gylta ar fulle forgyfennesse geon þisson life. Geon þā to weardon. 7 min drihten forgyf me soðe hreope. 7 andetnysse. 7 bote minra synna. 7 ahwyrf me fram minum un rihtpisnyssum to þinum willan. 7 to minre þearfe. 7 min drihten forgyf me rihtne geleafan 7 soðe lufe 7 eadmodnysse. 7 arfæsenysse. 7 clænnysse. 7 onbryrdnysse. 7 strencðo wið deofler cost nunga. 7 geþild on ear foðnyssum. 7 ge met fæstnysse on ge sund fulnyssum. And min drihten ge nehxa þa heard heortnysse minre þære stænenran he ortan. 7 For gif me teara geniht sumnysse. Þaet ic mæge þa mis daeda be wewan. 7 be hreowsian. Þe ic earming dæghwam lice on gean þinne willan ge wyrce. And min drihten leof. On liht minre heortan geþanc mid lifes and gyte. 7 lif mid wast licum and gyte. 7 forgyf me þine mild heortnysse geon liht mine word. 7 dædda: 7 minne Lichaman 7 sawle 7 eall min lif mid gast licum and gyte. 7 forgyf me þine mild heartnysse geon þyssum life. Ge on þam to weardan. And min drihten æl mihtig god. Si þe lof 7 wuldor 7 þanc a on ecnysse. 7 eallum þinum halgum. Ealra þæra ara þeðu me synfullum to for lete. Ic bidde þe min drihten ead modlice þæt ðu helpe ealra minra freonda. 7 maga. 7 ealra þæra þe to minre ge bedrædene þencaot. 7 hytað lybbendra 7 forð gepitenra. 7 forgyf ðam lybben don gesund fulnysse on þissum life. 7 on þam to weardan ece myrhðe. 7 syle þam forð ge witenum heora gylta ar fulle forgypennesse. 7 heo fonan rices gefean á on ecnysse. Eac ic bidde þe min drihten þæ ðu ge miltsige eallum þam þe me gód dydon. 7 god tœhton. 7 syle ece forgyfennysse eallum þam þe me æfre ypel cpædon oððe þohton oððe gyta to donne þencað. 7 gestran ga hi to þinum wyllan. 7 ge wiltsa eallum cristenum folce. Lybbendū 7 forð ge witenum: eallum þam þe aefre fulpihtes bæð under fengon. Si þe lof 7 wuldor á butan enden. Amen.